Citizen Amendment Bill Protest a ni

Mizoram state mai bakah Northeast pumpuiah vawiin khan Citizen Amendment Bill protest in totalband huaihawt a ni a. Mipui ten he band hi an thlawp tha hle a. Tun dinhmunah hian BJP sawrkar hian Mizoram state min huam tir ve rihlo mahse, jamu & Kashmir an siksawi dan deh an thu delhkilh pawh zah lo a an khawih danglam duhdante tuna mipui heti zatin a an dodal chung pawh a CAB kaltlangpui an tum zel hi ngaihtuahna seng zau tan chuan kan inhumhimna ILP leh thildangte hi Article atanga paih emaw tihdanlam emaw pawh an hreh dawnlo tih a lang reng mai awm e.

::MENE MENE TEKEL UPHARSIN::

(Pathianin i ram chu a chhut zo ta a, a tawp a thlen ta. Bukin i awm a i tling zo ta lo. I ram chu thenin a awm a, Media leh Persia hnenah pek a ni ta. /-Daniela 5:25-28)

Babulon ram ropui taka roreltu Nebukadnezzara chu Lalpan Lal atan a duh tawh loh avangin a paih thla a, ramsa te ang maiin hnim ringin ramhnuaiah a vakvai a, a aiawhtu a fapa Belsazzara chuan Babulon ram ropui chu a enkawl leh ta a. Mahse a bawhchhiatna avangin Lalpa’n Lal atana a ruat ngeichu bukin a awm a a tlin loh thu a rawn hrilh ta a ni.

Kohhrana rawngbawltu, ringtu te pawh hi Lalpa’n a lo hman thin leh an mahni hmanga thil ropui tak tak a lo tih tawhna te ngei pawh hi paihthlakin kan awmthei a ni. Lal Isua lokal leh hunah hian a hruai ve lohkalsan zingah kan tel ang tih ava hlauhawm em.Lal Soula ngei pawh kha Israel lal atana hriakthih a ni a, Mahse Lalpa’n lal atan a hnawl hnuah khan Israel ramah lalthutthlengahala thu reng tho a, mahse Davida chu lal ni turin hriakthih a ni daih tawh a ni.

Lalpa’n a hnawl hnu che pawh hian i rawngbawlna hmunah ilo la awm reng thei a, hnawl i nih hnuah hian i chanvo ngai kha i la chelh reng thei tho a ni. Hnawl a nihna inhrelo lal Soula ngei pawh kha harsatna tinrengin a umzui a, mahse Israel lal emaw ala inti tlat a nih kha.Tirhkoh Paula chuan, “Chutilochuan mi dangte hnena ka tlangaupui hnu pawhin eng emaw tiin keimah ngei hi paih thlakin ka awm dah ang e” a lo ti a nih kha. Hetiang hi thil thleng thei chiang reng a ni si a. Thlahdah taka Lalpa rawngbawltu chu anchhe dawngin awm rawh sen tiin kan Bible chuana sawi a ni. Chuvangin kan dinhmun theuhah hian mahni hmazawnah theuh chhel tak leh thahnem ngai taka kan rawngbawl hna hi hlen chhuak turin taihmak i chhuah lehzual ang u.

Kan thil lo tihthat tawhte, kan lo inpek tawh thinna te, Pathianin min lo hman tawh thinna te ai chuan tunah hian eng dinhmunah nge ka din tih hi a pawimawh ber fo. Lal Isua lokal leh hunah hian Mene Mene Tekel Upharsin, Bukin i awm a i tling zo ta lo tiin min hnawl hlauh dah ang e.

Paihthlak, kalsan leh hmaih zingah kan tel loh nan kan rawngbawlna ah hian thahnem i ngai lehzual ang u. Krista tana danglam ngam turin inbuatsaih ila, Danglam ngailo Lal Isua danglamna chu a danglam lohna kha a ni si a. Eng pawh tawk ila, eng hmunah pawh awm ila, engthil pawh ti ila Krista tana danglam ngam zel turin kan nun hmang theuh ila. Thahnem i ngai lehzual ang u.

Thinlung bum hmang

Tlukloh rim nam hlir karah hringnun hi kan chhir chho ve nawk nawk chu a ni a, kohhranah kan inhmanga rawngbawlna chanvo hrang hrang kan han chelh ve a, inngaihtlawmna thu kan sawi a, zu leh ruihhlo ti mite zawlpui a indah a dawm chhuak turin kan inzirtir ve bawk a, mahse an zawlpui tak tak nilo zukin phah hniamah kan inngai ta tlat thin. Lalpa lakah hian kan san bikna vak hi ava awmlo em.

A taka kan nihna dik tak hi pawm harsa kan ti thin a ni maw.. In veng theuh kha han fang chhuak chhin teh u, Hemite In hi chu tideuh hian sa se emaw an In rawng hnawih hi a fuh lo tih tur i hmu nual em? Sawisel tur i hmu nual mai thei a nia. Mi thil neih la awt ngai miahlo tumah kan awm lo a, mahse chung chu nilo turin Bible in min hrilh. Chuvangin, Bawhchhe theuh theuh hi kan bawhchhiatna lai a inanglo mai chauh a ni. Danglamna reng kan neilo, kan danglamna awmchhun chu Isua kan nei chauh hi a ni.

 Ruihhlo leh khawvel thilin a tihbuai mekte lakah hian zuk inphah hniam hran a ngai lova; an zawlpui a awm sa i ni zawk a ni. Thinlung hi bum hmang ber a nih thu min hrilh a, chutichung chuan mi ai fel, tha bik, fing bik etc.. ah kan inngai leh mai thin. Thinlung buktu hmaah engkim hi a lang vek a ni.

GILEAD-AH THINGHNAI DAMDAWI A AWM LAWM NI?

Harhna leh thlarau chan mak danglam tak tak thawmin kan ram dung leh vang a deng chhuak mek a. Thlarau Thianghlim hnathawh pawh inkaichhawn theih hrileng ang mai a ngaiin changve ni a inhria hmun tinah kan zi ta huai huai mai.

Kan Bible chuan, "Ngaiteh u, ni te chu a lothleng mek a ni, chung niah te chuan ramah chuan tam ka tir ang a, chaw tamna ni lovin, Lalpa thu hriatna tamna zawk chu" tiin a lo sawi lawk a. Chu tamna chu kan ram hian a tawk mek niin a lang.

Khawvel thilthleng chanchinthar dang zawng zawng aiin Pathian thlarau thianghlim hnathawh ni a kan ngaih theih tur thil thleng kan bengkhawn a, thlarau. chang maksak a piang kan bawh ruih ruih a, Pathian inpuanna hmun ni a kan hriat chu sum lehpai sengso pawhin kan pan ruih ruih a, ei theih leh theih loh pawh thliar hrang hleithei lovin mipui ten kan hma zawn zawn a mi kan ei bawrh bawrh a ni ta ber mai!

Heti khawp a Zoram hi Pathian thu a kan tam ta mai hi Kohhran tin a rawngbawltute kan inenfiah ava ngai em! Gilead ah thinghnai damdawi a awm lawm mi? tahchuan tidamtu a awm nange?

Thuhriltu leh zaipawl an reh thuap ang tih hun kha kan thleng ta a mipui te an tam a ni. Thu chu hril ala ni reng a zaipawl pawh kan la ngaithla reng mai. Mahse... nunga rawngbawlna a tam talo em mi le? Pathianthu aiin a chhehvelah Pathianthu niawm tak tak sawiin mi tam takin Pulpit an luah zo ta a, mipui ten eitur hmu silovin chawbel bulah an tamchhawl mek a nih hi!

Hawh u, kan pianna ramah khan kir lehin, Krista chanchintha hi puang ila, thuhriltu ten Pathian thu tak hi buaipui ila, tichuan mipui ten Biak In ah chaw an hmu leh ang a, luang thlichhemnghin mai en tur a buai buai lovin Krista lungpuinghetah chuan kan ding za leh thei ang.

TUTE NGE MISUAL CHU

Lal Isua khan mifel niin in thi ang a tilova Sual nei rengin in thi ang a tih kha. Chuti tumah hi mifel kan awm dawnlo a ni em?  Ni e, tumah mifel tak reng an awmlo,  pakhatte mah an awm hauh lo,  an hrawk chu thlan inhawng a ni a, an kam chu Rul tur nei ang a ni tiin Rom lehkhathawnah kan hmu.

Tichuan tumah hi Vanram kai tur kan awm ta lo!  Isaia chuan,  "Tin, chutah chuan lamlian a awm a, kawng nen,  chu chu Thiangjlimna kawng an ti ang. Mi bawlhhlawh reng reng chutah chuan an kal thei lovang" a ti a ni.

Chu kawng chu zawh turin I thianghlim tawk em?  Dawt I la sawi miah lo em,? Thil I awt ngai miahlo em?  I tlinglo a ni tiraw?

Mahse,  ."..mi bawlhhlawh reng reng an kal thei lovanga" a tih zawh chiah khan enge a sawi leh kha "Nimahsela,  chumite tan chuan a ni ang" a ti.

Kan simna emaw,  kan inserh thianghlimna lam emaw,  kan thil tih thatte emaw lam hian awmzia a nei lo. He lamlian thianghlim a kal tlak hi ka nilo ti a, mahni inhmu chiang a, Lal Isua chauh hi ka felna,  ka thianghlimna chu a ni titute I lo ni zel ang u.

Chutiang mite chuan tlinglo leh bawlhhlawh mai an nih zia an hre chiang tulh tulh a, Lal Isua chhandamna ropui zia leh hlut zia an hrefiah tulh tulh thin a. Lal Isua hnung an zuina kawngah hnawk an tih a te tial tial thin a. A duhzawng tih tumin ke an penchhuak zel thin.

Kan naupan lai chuan Bakpuk ah kan lut thin a, a tirah chuan puk a zau a, Bak hawlna tur mau te te, Ipte ah chem te kan ak a, meichher nen kan lut thin. kan lut thuk tulh tulh a Bakpuk a zim tial tial a, kan thil ken zingah hnawk a te tial tial a, maute,  meichher te kan dah zel a , tOurchlight kn phawrh a, a kua a zim tial tial a., ipte leh chrm poh a hnawk toh thin. Chutiang chubringtu nun. chu a ni. kan luhthuk poh leh hnawk a te tial tial thin.

APRIL FOOL

Roman Julian Calendar-ah chuan April hi kum khata thla hmasa ber a ni a. Gregorian Calender-ah chuan January hi kum khata thla hmasa ber a ni thung. Kum 1752 hunlai khan England ah Lal thupeka Gregorian Calender an hmang tawh chung khan mi tam tak chuan an tihdan hlui kha an bansan thei lo a. January thlaa kum thar hmang ve lo in, April ni khatah kum thar an la hmang ta reng a. Inrualkhai lo tak maia mipuite’n kum thar an hman avang hian England Lal chu a thinrim hle a. Hemi vang hian Lal Thupek khauh tak mai, zawm loh theih loh lo in a tichhuak ta a, “April ni 1 a kum thar la hmangtu zawng zawngte chu mi ‘a’(fool) an ni ang’’ tiin. Tichuan, April ni 1 hi April fool tia kan lo hriatna chhan a ni ta a ni.